Nan maten jedi 4 avril 2024 la, lapolis Okap mete lapat sou Vladimir Joseph,selon enfòmasyon yo si twayen sa a se twazyèm chèf nan gang baz Savyen ki opere nan rejyon Latibonit.
Arestasyon an te fèt anviwon 10è nan maten, pandan li t ap tann vòl sunrise pou l te kite peyi a pou al lakay Tonton Sam.
Arestasyon sa a se yon lòt etap nan efò la polis Okap ap fè nan kominote a pou konbat krim epi pran kontwòl sou sitiyasyon sekirite ki kòmanse degrennen nan vil la.
Lapolis Okap kontinye fè travay li menm nan moman difisil, pou pwoteje moun yo, epi anpeche aktivite kriminèl yo, pandan je popilasyon ap rete louvwi pou veye anwo tankou anba pou koupe wout tout fèzèyis ki konprann vil Okap se koridò ki pou mennen yo nan lòt peyi apre yo fin fè kont dega pa bò isit.
